Dy persona humbën jetën dhe 21 të tjerë u lënduan kur një autobus pasagjerësh u përmbys në Erzincan të Turqisë, raporton Anadolu.
Aksidenti ka ndodhur herët mëngjesin e sotëm në aksin rrugor Erzincan – Sivas ku ka borë dhe akull. Sipas të dhënave paraprake dy persona kanë humbur jetën dhe 21 të tjerë janë lënduar.
Në vendngjarje janë nisur ekipet e ambulancës, policisë, xhandarmërisë dhe AFAD-it (Presidenca e Menaxhimit të Fatkeqësive dhe Emergjencave).
Të plagosurit u transportuan me autoambulancë në spitalet ne Refahiye dhe Erzincan, pasi në vendngjarje iu dha ndihma e parë.
