Fluturimi IndiGo, i cili po fluturonte nga Madurai në Mumbai, humbi një nga dy motorët e tij, por arriti në destinacionin e tij i sigurt, njofton AMI.
Bëhet fjalë për një Airbus A321 motori Pratt & Whitney i të cilit pushoi së punuari gjatë fluturimit. Duke marrë parasysh faktin se aeroplanët me dy motorë mund të ulen edhe nëse funksionon vetëm njëri prej tyre, avioni IndiGo u ul i sigurt në aeroportin e Mumbait, përcjell KlanM.
Kompania tha se kishte një defekt teknik përpara uljes.
Gati 40 avionë IndiGo janë ndalur për muaj të tërë për shkak të dështimeve të motorit dhe paaftësisë së prodhuesit për të porositur zëvendësimet.
Aeroporti i Delhi strehon 52 avionë IndiGo dhe GoAir, të cilët gjithashtu janë ndalur për muaj të tërë, duke çuar në probleme parkimi përpara mega ngjarjes së ardhshme të qytetit, Samitit të G20, më 9 dhe 10 shtator. Për shkak të kësaj, kompanive u është kërkuar të zvogëlojnë numrin e fluturimeve për të përdorur më pak avionë në aeroportin IGI dhe kështu të krijojnë më shumë hapësirë për avionët VIP të liderëve botërorë./KlanMacedonia
