Kampionati në Ligën e pare të futbollit në Maqedoninë e Veriut zhvillohet sipas orarit të FFM-së, ndërsa të diel zhvillohet java e 32-të dhe e parafundit të sezonit 2023/2024.
Ndeshja më e rëndësishme e sezonit, ku edhe mund të vendoset ekipi I ri kampion zhvillohet në stadiumin e qytetit në Tetovë aty ku përballen Shkëndija që aktualisht mbanë pozitën e parë dhe Struga Trim Lum që mban pozitën e dytë dhe është kampion në fuqi.
Pra ndeshja e së dielës Shkëndija – Struga Trim Lum, që fillon në ora 17:00 do të vendos kampionin e ri në futboll. Organet kompetente të FFM-s, gjatë ditës së premte kanë publikuar emrat e arbitrave që do ndajnë drejtësi në javën e 32-të, ndërsa ndeshja derbi në Tetovë i është besuar arbitrit nga Kavadari, Stojançe Trpçevski
Java e 32-të, e diel, në ora 17:00, dyshet dhe arbitrat
Shkupi – Brera: Krunislav Gjorgjiev (Shtip)
Shkendija – Struga TL: Stojançe Trpçevski (Kavadar)
Gostivari – Rabotniçki: Done Ristovski (Gevgjeli)
Tikveshi – Voska: Dimitar Pileshkov (Shtip)
Sileksi – Vardari: Jovan Kaçevski (Strugë)
Makedonija GP – Bregallnica: Ivana Projkovska (Shkup)
