Aktori Gert Ferra dhe sipërmarrësi Igli Veizi do të jenë dy banorët më të rinj të Big Brother VIP 4.
Kjo u zbulua në studion e Fan Club, ku sivjet moderohet nga ish-konkurrentja Heidi Baci.
Gerti ka një histori konflikti me Laert Vasilin, por theksoi se kjo i përket së shkuarës dhe janë miq.
“Nuk do të hy me projekt, me plan, por do të jetë shumë më ndryshe aty, se sa këtu që po flasim, s’kam asnjë plan”, tha Igli.
“Do të hy i vetmuar, më pëlqen të jem vetëm“, tha Gerti nga ana tjetër.
Theksojmë që së fundmi nga Big Brother u largua Zebërvoki. Ai nuk arriti t’i mbijetonte këtij televotimi, ku i gjithë grupi i Olsit ishte në nominim.
Situatat në shtëpinë më të famshme në Shqipëri po vazhdojnë të ndryshojnë dita-ditës. /Telegrafi/
