Pas pauzës së kombëtareve, Barcelona po përgatitet për tu rikthye në fushë dhe në kampionat e pret një ndeshje delikate, siç është ajo ndaj Celta Vigo.
Pas humbjes në xhiron e fundit, katalanasit do të kërkojnë të rikthehen te suksesi. Në prag të kësaj sfide, trajneri Hansi Flick, ka rikuperuar sulmuesin kryesor, Robert Lewandowski.
Ky i fundit shfaqi probleme në shpinë në grumbullimin me Poloninë, por duket se e ka kaluar dhe në stërvitjen e së mërkurës, u stërvit me pjesën tjetër të skuadrës.
Megjithatë, edhe në këtë takim, Barcelona duhet të bëjë pa sulmuesin Lamine Yamal. Ky i fundit prej disa ditësh nuk stërvitet me ekipin dhe mungesa në fundjavë duket thuajse e sigurt. /tvklan.al
