Shtatë familje në Francë kanë çuar në gjykatë TikTok, duke e akuzuar platformën për ekspozimin e fëmijëve të tyre adoleshentë ndaj përmbajtjeve të dëmshme që rezultuan që dy prej tyre të kryejnë vetëvrasje.
Padia pretendon se algoritmi i TikTok i ekspozoi shtatë adoleshentët ndaj videove që promovojnë vetëvrasje, vetëlëndim dhe çrregullime të të ngrënit, tha avokatja e familjeve.
“Prindërit duan që përgjegjësia penale e TikTok të njihet në gjykatë. Është një kompani tregtare që ofron një produkt për konsumatorët, të cilët, për më tepër, janë të mitur. Prandaj ata duhet të mbajnë përgjegjësi për defektet e produktit.”, tha avokatja në një deklaratë për mediat.
TikTok, si platformat e tjera të mediave sociale, është përballur prej kohësh me shqyrtimin e kontrollit të përmbajtjes në aplikacionin e tij./Tiranapost/
