Egjipti ka propozuar një armëpushim dy-ditor midis Izraelit dhe Hamasit, gjatë të cilit do të lirohen katër pengjet e mbajtura në Gaza.
Presidenti Abdel Fattah el-Sissi tha se propozimi përfshin lirimin e disa të burgosurve palestinezë dhe dërgimin e ndihmave humanitare për Gazën e rrethuar. Brenda 10 ditëve nga zbatimi i armëpushimit të përkohshëm, bisedimet duhet të rifillojnë për të arritur një armëpushim të përhershëm.
Një raund i ri negociatash për të ndalur konfliktin njëvjeçar rifilloi në Katar, ku morën pjesë drejtorët e CIA-s dhe agjencisë së inteligjencës izraelite Mossad. Kjo është hera e parë që presidenti i Egjiptit propozon publikisht një plan të tillë. Kombet e Bashkuara thanë se gjendja e rëndë e civilëve palestinezë në Gazën veriore është e rëndë dhe konflikti po zhvillohet pa marrë parasysh kërkesat e ligjit ndërkombëtar humanitar.
Ndërkaq forcat izraelite vazhduan të godasin Gazën duke bombaruar një kamp qendror të refugjatëve Nuseirat dhe një tjetër në al-Maëasi jugore. Bombardimet erdhën pas një dite sulmesh që vranë më shumë se 53 njerëz, duke përfshirë 11 që ishin strehuar në një shkollë në kampin verior të refugjatëve Shati.
Në Bregun Perëndimor të pushtuar, forcat izraelite bastisën një numër qytetesh dhe u përleshën me luftëtarët palestinezë në qytetin e Jeninit. Gjithashtu sulme pati edhe në Izraelin verior mëngjesin e së hënës ndërsa u dëgjuan sirenat dhe shpërthimet u dëgjuan pak më pas.
Nga ana tjetër Komandanti i lartë i Gardës Revolucionare Islamike të Iranit Hossein Salami ka paralajmëruar Izraelin se do të përballet me “pasoja të rënda” nëse do të vijojë të sulmojë objektet ushtarake iraniane.
Klan News
