Mesazhe mashtruese me link që të çon në ueb-faqen e rrejshme të Qeverisë po I zbraz llogaritë e qytetarëve.
Nëse ju mbërrinë një SMS-porosi se nga Qeveria do të merrni 100 euro ndihmë për ulje të inflacionit dhe nëse klikoni në linkun, shkoni në një ueb-faqe të rreme të Qeverisë ku duhet t`i jepni informatat nga llogaritë tuaja bankare.
SMS-porosi të këtilla, ditëve të fundit kanë marrë qindra qytetarë, por nuk dihet nëse janë dëmtuar. Ueb-faqja është identike sikurse orogjinali.
Qeveria thotë se nuk kanë dërguar mesazhe të tilla dhe bëjnë thirrje që qytetarët të mos bëhen pre e mashtrimeve dhe të mos i japin të dhënat personale. Rasti është denoncuar në MPB.
SMS mesazhe të këtilla mashtruese ishin shpërndarë edhe para disa muajve. Qindra qytetarë mbetën me llogari të zbrazura bankare pasi u bënë pre e mashtrimeve të mesazheve të rrejshme se kanë dërgesa që duhet të doganohen dhe pasi të paguanin 2 euro Posta e Maqedonisë sërish do t`ua dërgonte./tvklan.mk
