Shkupi po përballet me një rritje të numrit të rasteve të kollës së mirë, një sëmundje infektive, që shkakton kriza të forta të kollës. Sipas Instituti i Shëndetit Publik (ISHP), vetëm gjatë javës së fundit janë regjistruar 56 raste të reja, prej të cilave 54 janë në Shkup, ndërsa nga një në Strumicë dhe Dibër. Kjo është një rritje prej 15% krahasuar me javën e mëparshme.
Kolla e mirë është një sëmundje tepër ngjitëse, që mund të transmetohet nëpërmjet pikave të frymëmarrjes. Ajo prek më shpesh fëmijët e vegjël, por mund të infektojë edhe të rriturit. Në raste të rralla, kolla e mirë mund të shkaktojë komplikacione serioze, si pneumoni, encefaliti dhe madje edhe vdekjen.
ISHP rekomandon që të gjithë fëmijët të vaksinohen sipas kalendarit kombëtar të vaksinimit, që përfshin tre doza të vaksinës kundër kollës së mirë në moshën 2, 4 dhe 6 muaj, dhe një dozë shtesë në moshën 18 muaj. Të rriturit që nuk janë vaksinuar ose nuk kanë kaluar kollën e mirë, duhet të kërkojnë një dozë të vaksinës nga mjeku i tyre.
ISHP gjithashtu këshillon që të gjithë personat që kanë simptoma të kollës së mirë të konsultohen me mjekun e tyre dhe të izolohen në shtëpi për të mos përhapur infeksionin.
