Një set prej gjashtë palë atletesh Air Jordan të veshura nga Michael Jordan gjatë finaleve të NBA u shitën për 8 milionë dollarë në një ankand në New York, duke vendosur një rekord të ri global të ankandit për atletet e veshura në ndeshje.
Këpucët, të veshura nga një prej lojtarëve më të mëdhenj të basketbollit në ndeshjet kryesore të gjashtë kampionateve të karrierës së tij në finalet e NBA, u bënë çmimi i dytë më i lartë i arritur për reliket sportive të Michael Jordan.
Fanella e ndeshjes hapëse të NBA Finals 1998 e Jordan nga sezoni i famshëm “Last Dance” mban ende rekordin botëror për çdo kujtim sportiv të veshur në ndeshje, pasi arriti të shitej për 10.1 milion dollarë në shtator 2022. Ndërsa në dhjetor 2023, gjashtë fanella të veshura nga Lionel Messi gjatë triumfit të Argjentinës në Kupën e Botës 2022 u shitën për 7.8 milionë dollarë.
Tv Klan
