Mariçiq – Gir: Përkushtimi i përbashkët për integrimin Evropian sjell sukses

Zëvendëskryeministri për Çështje Evropiane, Bojan Mariçiq sot kishte takim me shefin e misionit të Bashkimit Evropian, Dejvid Gir, në të cilin u theksuan hapat kyç të ndërmarrë drejt anëtarësimit të Maqedonisë së Veriut në BE, si dhe arritjet kryesor të përbashkëta për të cilat po punojnë me përkushtim në rrugën drejt BE-së, kumtoi SÇE-ja.

Duke vlerësuar angazhimin e palëkundur të ambasadorit Gir, qëvendëskryeministri Mariçiq shprehu mirënjohjen për përfshirjen dhe përkushtimin e paçmuar të ambasadorit në integrimin evropian të vendit. U theksua rëndësia e bashkëpunimit, i cili jo vetëm forcon lidhjet dypalëshe, por edhe inkurajon Maqedoninë e Veriut që të zbatojë me sukses procese të rëndësishme, në rrugën drejt zbatimit të suksesshëm të reformave, në rrugën drejt anëtarësimit të plotë në BE deri në vitin 2030.