Nga Ministria e Punëve të Brendshme bëjnë të ditur se kanë gjetur identitetin e personit që valviti flamurin e ”Shqipërisë së Madhe” në sheshin e Tetovës më 11 Gusht, kur vendin e vizitoi kryeministri Albin Kurti, përcjellë Klan M. Bëhet fjalë për 21-vjeçar me shtetësi gjermane i cili gjatë tubimit në sheshin Iliria të Tetovës ka qenë në Maqedoni dhe ka marrë pjesë gjatë vizitës së kryeministrit të Kosovës, Albin Kurti.
”Departamenti i Policisë Kriminale – Sektori për Krime të Përgjithshme dhe Krime të Dhunshme në bashkëpunim me SPB Tetovë zbardhi ngjarjen penalo-juridike të ndodhur më 11.08.2023 në sheshin në Tetovë, gjatë vizitës së kryeministrit të Kosovës, Albin Kurti, kur u valvit flamuri i të ashtuquajturës “Shqipëria e Madhe”, i cili ka kryer një krim sipas nenit 319 të Kodit Penal. Pas marrjes së masave operative u konstatua identiteti i personit që ka kryer krimin A.M.(21), i cili është shtetas gjerman. Në koordinim me SPB-Tetovë, kundër personit nga neni 319 i Kodit Penal do të parashtrohet kallëzim penal në Prokurorinë kompetente për veprime të mëtutjeshme” – thuhet në njoftimin e MPB-së.
Ndryshe edhe dy kryetarët e komunave të Çairit dhe Tetovës, Ganiut dhe Kasamit iu parshtraua kallëzim penal sepse në tubim nuk kishte flamur të shtetit të RMV-së dhe nuk u intonua himni i shtetit. /KlanMacedonia/
