Nga të gjithë varet nëse qytetarët do të kenë kushte evropiane të jetesës dhe standard evropian të jetës, tha kryetari i LSDM-së, Dimitar Kovaçevski, para Komisionit të sotëm për çështje kushtetuese në Kuvend.
“Ministrat në Qeveri, të cilët janë pjesë e një koalicioni të gjerë qeveritar, u treguan të ndërgjegjshëm dhe ne njëzëri miratuam Propozimin për ndryshime në Kushtetutë. Ne vendosëm të mos llogarisim me vlerësime para zgjedhjeve të ardhshme vitin e ardhshëm, duke përdorur tema të ndjeshme identitare për interesa partiake. Ne vendosëm që secili të mos mendojë për veten e tij, por të mendojë për të mirën e të gjithëve – dhe për këtë arsye i kemi vënë vetes qëllimin e madh evropian.
Tani është radha e ju deputetëve. Në javët në vijim, kur të bëhet votimi i parë, do të bëhet e qartë se kush mendon për veten e tij dhe kush për fëmijët e tij dhe qytetarët që përfaqësova unë. Secili duhet të vendosë vetë nëse do të votojë për Evropën, një votë për integrimin, apo do të mbyt zërin e ndërgjegjes brenda vetes dhe do të vendosë ta çojë vendin në izolim, me urdhër të dikujt, interesi i partive të tjera, tha Kovaçevski.
Kryeministri Kovaçevski theksoi se nga viti i ardhshëm, BE-ja do të jetë e fokusuar në reformat që duhet t’i zbatojë në kuadër të Unionit, në mënyrë që të funksionojë me më shumë shtete anëtare.
“Dhe ne ose do të qëndrojmë jashtë familjes evropiane për një kohë të gjatë, ose së bashku me Shqipërinë do të jemi vendet e para që do të ndjekim metodologjinë e re të zgjerimit dhe do të bëhemi anëtarë të BE-së me ritme të përshpejtuara.
Besoj se kjo përbërje parlamentare ka kapacitetin demokratik për vendime autentike demokratike, të cilat do ta vendosin Republikën e Maqedonisë së Veriut fort në rrugën evropiane dhe do të sigurojnë perspektiva të përbashkëta evropiane”, përfundoi Kovaçevski në fjalimin e tij. /KlanMacedonia/
