Një delegacion i udhëheqësve afrikanë pritet të takohet sot në Shën Petersburg me presidentin rus Vladimir Putin për të ndërmjetësuar një marrëveshje të mundshme për t’i dhënë fund konfliktit Ukrainë-Rusi.
Grupi u takua të premten me presidentin ukrainas Volodymyr Zelenskyy.Anëtarët e delegacionit përfshijnë presidentin e Afrikës së Jugut Cyril Ramaphosa, presidentin senegalez Macky Sall, presidentin e Zambias Hakainde Hichilema dhe presidentin e Komoreve Azali Assoumani, i cili aktualisht drejton Bashkimin Afrikan.
Të premten, ndërsa një delegacion udhëheqësish nga shtete afrikane po takoheshin me presidentin Zelenskyy, u dëgjuan sirenat që paralajmëronin për sulme të mundshme ajrore.
Zoti Putin ka konfirmuar se vendosja e armëve taktike bërthamore nga Rusia në Bjellorusi ka ndodhur tashmë, duke i kujtuar Perëndimit se nuk mund t’i shkaktonte një disfatë strategjike Rusisë.
Një ditë më parë Presidenti Putin konfirmoi se Rusia tashmë ka vendosur armë taktike bërthamore në Bjellorusi, duke i rikujtuar Perëndimit se ai nuk mund t’i shkaktojë disfatë strategjike Rusisë.
Ai tha se teorikisht Rusia mund t’i përdorte armët bërthamore nëse do të ekzistonte një kërcënim ndaj integritetit territorial të saj, por shtoi se vendi i tij nuk ndodhej përballë një nevoje të tillë.
Shtëpia e Bardhë i denoncoi komentet e zotit Vladimir Putin mbi përdorimin e mundshëm të armëve bërthamore, por tha se Shtetet e Bashkuara nuk ka bërë asnjë ndryshim që lidhet me kapacitetet bërthamore të vendit, si përgjigje ndaj kësaj retorike./VOA
