“Të kaltrit” përballen me “djallin” në stadiumin “Maradona”, janë 1 gol disavantazh
Napoli do të presë Milanin në sfidën e kthimit në çerekfinalet e Ligës së Kampioneve.
Trajneri i Milanit Stefano Pioli foli në koferencën për shtyp për sfidën e tetë me të dyja ekipeve për muajin Prill.
“Jemi shumë të përqëndruar, shumë të motivuar dhe shumë të vendosur. E dimë që do të ketë një ambient krejtësisht të ndryshëm krahasuar me herën e fundit në Napoli, por kjo na jep motivim dhe ngarkesë shtesë. Sigurisht që është e çuditshme të luash tre ndeshje në pak ditë kundër të njëjtit kundërshtar, por do të jetë një përballje emocionuese siç mund të jetë një çerekfinale e Ligës së Kampionëve, sepse të jep mundësinë të bëhesh një nga 4 ekipet më të mira në Europë”.
Ndërsa trajneri i Napolit Luçiano Spaleti është i kënaqur me faktin që sulmuesi Viktor Osimhen është rekuperuar.
Tekniku shtoi se që të arrihet suksesi duhet lojë skuadre, ndërkohë që është menduar edhe hipoteza e gjuajtjes së penalltive.
Klan News
