Bullgaria mund t’i bashkohet Eurozonës nga janari i vitit 2025 nëse plotëson të gjitha kriteret e hyrjes, ka deklaruar nënkryetari i Komisionit Evropian Valdis Dombrovskis.
Javën e kaluar Sofja hoqi objektivin e saj për të adoptuar euron në janar 2024 pasi nuk përmbush kriteret e inflacionit dhe nuk ka miratuar disa ndryshime ligjore.
“Data është kur të gjitha kriteret e janë përmbushur. Ndoshta 1 janari 2025 do të ishte një datë e mundshme“, tha Dombrovskis. Ministria e Financave është e shqetësuar se afati kohor i paqartë për futjen e euros do të përkeqësojë vlerësimin e kreditit të Bullgarisë.
Dombrovskis, i cili është në një vizitë dy ditore në Sofje u shpreh se inflacioni i lartë, i nxitur kryesisht për shkak të kostove të larta të energjisë, do të thotë se vendi duhet të vonojë datën e saj fillestare të futjes në Eurozonë.
Me rritjen e çmimeve në Evropën Qendrore dhe Lindore, inflacioni i Bullgarisë ka arritur në 16.4%, norma e tetë më e lartë në bllok. Bullgaria e cila po mban zgjedhjet e pesta në dy vjet në prill, duhet të miratojë të gjithë legjislacionin e nevojshëm për hyrjen në Eurozonë, duke përfshirë ligjet kundër pastrimit të parave.
Klan News
