Moti sot do të jetë me diell dhe i ngrohtë me vranësira të ulëta, ndërsa në jugperëndim me vranësira mesatare. Do të fryjë erë e lehtë deri mesatare nga drejtimi perëndimor dhe veriperëndimor, njofton Drejtoria për Çështje Hidrometeorologjike.
Temperatura minimale do të jetë në intervalin prej -6 deri në 0, ndërsa ajo maksimale do të arrijë nga 14 deri në 20 gradë.
Në Shkup do të mbajë mot kryesisht me diell dhe i ngrohtë me erë të lehtë nga drejtimi veriperëndimor. Temperatura minimale do të zbresë deri në -3, ndërsa ajo maksimale do të arrijë deri në 16 gradë.
Nesër do të mbajë mot me diell dhe i ngrohtë me temperaturë ditore që në shumë vende do të jetë mbi mesataren për këtë periudhë të vitit. Ditën e hënë do të ketë rritje të përkohshme të vranësirave me reshje të dobëta shiu lokal dhe do të fryjë erë mesatare deri e fortë nga drejtimi veriperëndimor. Nga e marta do të vijojë sërish mot stabil dhe më i ngrohtë.
