Nëse lojtarët e kombëtares kroate mendonin se më në fund do të shkonin me pushime pas kthimit në Kroaci, e kishin gabim. Para së gjithash, “bronzi” në Botëror duhej të pritej mjaft mirë. Pas ceremonisë madhështore në Zagreb, të dielën në mbrëmje, secili prej lojtarëve ka marrë një tjetër pritje të veçantë në vendlindjen e tyre. Joshko Gvardiol do të ketë tre të tilla.
Pasi mbërriti në shtëpinë e familjes së tij në Kerestinac, fqinjët e befasuan me pishtarë, brohoritje dhe bomba tymuese. Secilit i ka kushtuar disa minuta, ka folur e ka bërë foto me to dhe më pas ka shkuar për një gjumë të merituar. Megjithatë, pushimet nuk do të zgjasin shumë. “Festivali vazhdon tashmë të mërkurën në Dalmaci.
Babai i Joškos, Tihomir, lindi në Novigrad, afër Zadarit, dhe ylli kroat e kaloi fëmijërinë e tij atje, në shtëpinë e gjyshit Zvona dhe gjyshes Milka. Novigradi e adoptoi Joshkon si djalin e tij, kështu që ata përgatitën një pritje të paharrueshme për të, të mërkurën.
Askush nuk do të mbetet i etur dhe askush nuk do të jetë i uritur. Vendasit përgatitën një ka 400 kilogramësh, të cilin e “shkrinë” në hell. Një dedikim krejt i veçantë për Joshkon prej “bronzi”.
“Të mërkurën në mbrëmje do të organizojmë një pritje madhështore për Joshko Guardiol-in tonë dhe përfaqësuesit e tjerë të kombëtares kroate, që do të mund të vijnë. Do ta pjekim kaun e madh mbi 400 kilogramësh, do të ketë ushqim dhe pije për të gjithë”, – kanë njoftuar një ditë më parë në Nokshiq, sikurse shkruan “Zadarski tjednik”.
Sipas shumëkujt, Gvardiol-it iu hoq çmimi për futbollistin e ri më të mirë të “katar 2022”. Ai tregoi se çfarë lloj klasi posedon. Lideri i ardhshëm i kombëtares kroate dhe tashmë, mund të themi, qendërmbrojtësi i ri më i mirë në botë. Le të shpërndajë FIFA çmimet e saj kujtdo që do. “Mirë se vini në Zagreb dhe tani në Novigrad” është njohja dhe falënderimi më i madh për atë që kanë bërë futbollistët kroatë.
