Stopanska Banka (Banka Ekonomike) në Maqedoninë e Veriut ka rritje të të ardhurave neto. Sipas analizës që sjell portali Faktor.mk rezulton që për nëntë muaj banka në fjalë ka realizuar fitim prej 33.5 milionë euro.
Me këtë Stopanska Banka-Shkup e ruajti primatin ndaj bankës më të madhe konkurente NLB, e cila për këtë periudhë arriti në 33.2 milionë euro fitim, përcjell KlanMacedonia.
Të dhënat zyrtare nga bilancet e Stopanska bankës tregojnë se fitimi për nëntë muajt e parë të vitit ka arritur në 33.5 milionë euro. Kjo është 300,000 euro më shumë se konkurrenti më i madh i saj – NLB Bank.
Stopanska Banka ka shënuar rritje në të gjithë sferat e të ardhurave. Funksionimi i bankës rezulton me një fitim 4 milionë euro më të lartë se e njëjta periudhë e vitit të kaluar.
Nga bilanci duket se banka ka rritur edhe kreditimin me rreth 90 milionë euro për periudhën nëntë mujore. Niveli i totalit të vendosjeve së kredive për klientët e korporatave dhe familjet është 1.36 miliardë euro. /KlanMacedonia/
