“Stop” shkoi në Korçë për problemin e qytetarit Pandeli Tarusha. Ai shpjegoi se ka një pronë truall me certifikatë pronësie.
Prona preket nga investimi i Unazës Veriore. Pandeliu u shpronësua si truall nga ARRSH, pastaj nga Unaza e Vogël e ish-kundërajrorit doli arë.
“Disponoj certifikatë pronësie me 1 mijë metra katrore. E lëshuar më 2011. Unë jam shpronësuar nga rruga e Unazës që ka pasur një projekt madhor nga qeveria për 130 metra katrore truall në të cilën unë nuk kam patur asnjë problem, asnjë gjë. Jam shpronësuar dhe jam në rregull. Në vitin 2022 del një VKM në pjesën lindore të pronës sime ku është bërë një rrugë e quajtur Unaza e ish-kundërajrorit me distancë 38 metra me 4. Edhe ne jemi habitur nga ky emërtim që është bërë unazë. Kjo ka qenë servitutë me vendim gjykate dhe bashkia e Korçës e ka quajtur Unaza e ish-kundërajrorit që ka dalë me vendim. Kjo pjesa këtu që është prona ime që shfrytëzohet sot si rrugë kalimi që janë mbrapa pronës sime. Gjykata e njohu si servitutë kalimi përkundrejt vlerës që ka caktuar gjykata. E kanë dhënë për disa vite rresht. Bashkia e Korçës me një vendim hodhi poshtë vendimin e gjykatës dhe bëri një unazë duke e quajtur unaza e ish-kundërajrorit. Kjo nuk ka lidhje fare me unazën. Bashkia e kthen nga truall në sipërfaqe në arë. Nëse do ishte truall do shpronësohesha me 1 milion e 600 mijë lekë të reja. Në arë me 16 mijë lekë të reja”, tha Tarusha.
I gjithë problemi ka ardhur nga zyra e Kadastrës, e cila e ktheu nga truall në arë, me pretendimin, se më parë kishte bërë lapsus.
“Kam problem me Kadastrën e sotme se ma ka kthyer nga 1 mijë metra truall në 1 mijë metra arë”, tha Tarusha.
“Nëse prona ime nuk do ishte me statusin juridik truall, por arë atëherë nuk do disponoja dokumentin e Këshillit të Rregullimit të Territorit, Bashkia Korçë, me vendim datë 3.09.2005 miratimi i lejes së ndërtimit”, u shpreh pronari.
Drejtoresha e Zyrës Urbanistike, Zhaneta Pepa, thotë se shkresa ka ardhur e tillë nga Kadastra ndaj ajo nuk ka asnjë përgjegjësi.
“Në momentin që duam të bëjmë shpronësim i drejtohemi zyrës së regjistrimit, ASHK dhe i kërkojmë zërin kadastral. Nuk ma solli kështu. Ma solli me arë.
Kjo është e vjetër, kjo është e 2011. Si doli arë nuk e di unë. Atë nuk e dimë ne. Ne kur kërkuam vërtetim nga zyra e regjistrimit të pasurisë që çfarë zëri kadastral ka kjo pasuri, ne na vjen arë”, tha ajo. /tvklan.al
