Vlera e shportës minimale sindikale përfshirë inflacionin (kostot e jetesës) për muajin korrik është 47.042,00 denarë dhe nuk mund të mbulohet as nga familjet me dy të punësuar që marrin të ardhura të barabarta me pagën mesatare dhe një pagë minimale thonë nga LSM përcjell KlanM. Në të njëjtën kohë, duke pasur parasysh se inflacioni prej 16% e zhvlerëson vlerën e pagave dhe prej këtu shuma prej 18.000 denarë, që është paga minimale në Maqedoni, ka vlerë reale prej 15.120 denarë, ndërsa shuma e Pagës mesatare neto prej 31.525 denarë ka vlerë reale prej 26.481 denarë, e cila e varfëroi dukshëm punëtorin dhe qytetarin e Maqedonisë.
Sipas LSM-së është alarmante se masat dhe politikat e gabuara të qeverisë për vetëm 5 muaj nga rritja e pagës minimale në 18.000 denarë, e kthyen vlerën e saj në nivelin para marsit të vitit 2022, gjegjësisht me një pagë minimale punëtorët mund të përballojnë vetëm bukë dhe ujë ( ushqime dhe pije) në përputhje me shportën sindikale, e cila si shpenzim për muajin korrik 2022 arriti në 17.842,91 denarë ose Qeveria në muajin mars nën presionin e LSM-së bëri një hap përpara drejt përmirësimit të standardit të kategorisë më të rrezikuar të punëtorëve dhe në korrik, pas bindjes së saj dhe mospranimit të propozimeve të LSM-së, bëri 5 hapa prapa drejt rrezikimit të jetesës së punëtorëve me të ardhurat më të ulëta përcjell KlanM.
Nëse Qeveria do t’i pranonte kërkesat e punëtorëve dhe të LSM-së për harmonizimin e pagave sipas rritjes së pagës minimale për 2806 denarë në maj, sot do të ishte amortizuar inflacioni që zhvlerëson pagat, por fatkeqësisht për shkak të politikave të këqija të Ministrisë së Financave dhe ministrit Besimi, kundër të cilave punëtorët janë kundër, dhe punëdhënësit dhe opinioni ekspert tashmë janë kundër, ai i lë punëtorët, bizneset dhe qytetarët e Maqedonisë në prag të ekzistencës.
Punëtorët kanë nevojë për rregullime të menjëhershme të pagave për të zbutur goditjen inflacioniste, dhe kjo do të thotë se qeveria duhet të rregullojë pagat me 18.4% deri në shtator në përputhje me ligjin, përndryshe siç i ndëshkon qeveria punëtorët, ashtu edhe punëtorët do të ndëshkojnë qeverinë dhe e njejta vlen edhe për punëdhënësit./KlanMacedonia/
