Festë me fishekzjarre në kryeqendrat botërore
Viti i Ri 2024 ka kryer xhiron e parë të globit. Ndër të fundit që e pritën me festime dhe fishekzjarrë në sheshe ishin amerikanët. Këto pamje janë filmuar në sheshin e famshëm Times Square të Nju Jorkut që u mbush nga mijëra njerëz.
Nuk kishte se si të mungonte spektakli i mahnitshëm fishekzjarrëve në plazhin e famshëm Kopakabana të Rio de Zhaneiros në Brazil, që zgjati për 12 minuta.
12 mijë fishekzjarre shpërthyen në sekondat e para të këtij viti në Londër. Spektakli ishte organizuar në zonën buzë lumit Tamiz.
I tejmbushur me spektatorë ishte bulevardi Champs Elisee në Paris, nga ku shijohej shpërthimi i fishekzjarrëve mbi Harkun e Triumfit.
Spektakël fishekzjarrësh edhe mbi portën e Brandenburgut, simbolin e Berlinit. Ndërsa në Athinë, fishekzjarrët ndriçuan në mesnatë qiellin mbi Akropol. Më herët, nuk mungoi edhe spektakli në kullën më të lartë të globit, Burxh Kalifa në Dubai.
