Kreu shtetëror, delegacione partiake dhe qytetarë kanë shënuar 121-vjetorin e vdekjes së revolucionarit maqedonas, Goce Dellçev.
Në vendprehjen e tij në kishën “Shën Spasi” në Shkup, kurora me lule ka vendosur presidenti aktual, Stevo Pendarovski, I cili garon për mandat të dytë si dhe kundërkandidatja e tij, Gordan Siljanovska Davkova.
Nuk u prononcuan për mediat, por përmes rrjeteve sociale rikujtuan idealet e Dellçevit.
STEVO PENDAROVSKI – FB
“Vizionar, ideolog dhe udhëheqës i veprës nacionalçlirimtare maqedonase që nga fundi i shekullit të 19-të dhe fillimit të shekullit 20. Dellçevi, për popullin maqedonas paraqet shtyllën nga ku sot ndërtojmë shtetësinë dhe mëvetësinë tonë. Lavdi!” – ka shkruar Pendarovski nëpër rrjetet sociale.
Gordana Siljanovska Davkova shkroi se nuk do të lejojë që të falsifikohet historia maqedonase ku nuk do të ketë vend për heronjtë maqedonas.
GORDANA SILJANOVSKA DAVKOVA – FB
“Nga mençuria e Dellçevit, kjo ditë paraqet mundësinë që t`u lëmë amanet brezave të ardhshëm ta vazhdojnë luftën për shtetin maqedonas. Maqedonia është shi shtëpia, nëse nuk e mirëmbajmë do të rrënohet. Duhet t`i riparojmë pjesët e prishura, që shtëpia e quajtur Maqedoni, të jetë funksionale dhe komode për të gjithë”
Delegacioni qeveritar udhëhiqej nga Ministrja e Mbrojtjes, Slavjanka Petrovska e shoqëruar nga Ministrja për Ambient Jetësor, Kaja Shukova.
Në delegacionin partiak të LSDM-së ishin Zv/Kryetarja, Sanja Lukarevsk, si dhe zv/Kryeministri dhe sekretari për bashkëpunim ndërkombëtar të LSDM-së, Bojan Mariçiq.
Delegacioni partiak I VMRO-DPMNE-së udhëhiqej nga lideri Hristijan Mickoski I cili theksoi se pas 8 majit vendit do t`i duhet unitet kombëtar dhe shoqëror.
Kurora me lule në varrin e Goce Dellçevit vendosi edhe delegacioni i partisë “E Majta”./tvklan.mk
