Zelensky: Ukrainës t’i rikthehen territoret si në vitet ‘90
Kjo e hënë shënon një tjetër përvjetor që ka të bëjë me luftën ruse në Ukrainë.
Mbushen 10 vite që nga pushtimi rus i Krimesë, territori i parë që riktheu në Europë hijen e errët të pushtimeve ushtarake që u mendua se u lanë pas me fundin e shekullit të kaluar.
Këtë ditë, Presidenti ukrainas Volodimir Zelenski, përmes një videomesazhi përpara përfaqësuesve të lartë politk, gazetarëve dhe klerit në Kiev.
Zelenski bëri thirrje për çlirimin e Krimesë nga pushtuesi rus dhe rikthimin nën administrimin e Kievit të të gjitha territoreve që i përkisnin Ukrainës, pas shpërbërjes së Bashkimit Sovjetik.
Trupat ruse hynë në Krime në 2014 me pretekstin për të mbrojtur popullsinë rusishtfolëse nga ato që i quante grupe neo-naziste, që nuk ishin gjë tjetër veçse protestues kundër ish-presidentit pro-Moskës Viktor Janukoviç.
Tetë vite pas aneksimit të Krimesë, Rusia nisi luftën më 24 Shkurt 2022 për të pushtuar edhe 4 rajone të tjera, duke marrë nën kontroll 1/5 e territorit të Ukrainës, një luftë që i ka marrë jetën dhjetra mijëra civilëve.
Tv Klan
