Ndërsa Izraeli po shtyn ofensivën e tij ushtarake në të gjithë Gazën, ushtria ka këshilluar vazhdimisht rreth 2 milionë civilë që të lëvizin në një zonë humanitare më të vogël se aeroporti Heathrow i Londrës. Al-Mawasi është një rrip i ngushtë toke buzë Detit Mesdhe. Ka pak ndërtesa dhe kryesisht përbëhet nga duna ranore dhe tokë bujqësore.
Zona e përcaktuar si e sigurt nga Forcat e Mbrojtjes të Izraelit (IDF), është vetëm 8.5 km katrorë (3.3 milje katrorë). Reem Abd Rabu i ka kaluar javët e fundit duke fjetur në tokë dhe duke ndarë një tendë me katër familje të tjera në zonë.
Ajo është një nga 1.8 milionë palestinezët që janë zhvendosur që nga fillimi i luftës më 7 Tetor pas sulmit të Hamasit ndaj Izraelit. Ajo fillimisht udhëtoi për në Khan Younis pasi u arratis nga Gaza Veriore, por pasi shtëpitë aty pranë u bombarduan, ajo tha se ndjeu se duhej të shkonte në vendin që ushtria izraelite e identifikoi në hartë si të sigurt.
Reem tha për BBC se al-Mawasi ishte një vend i braktisur dhe jo një vend për qeniet njerëzore. Ajo mendoi se do të ishte e sigurt nga bombardimet dhe luftimet intensive, por kur mbërriti, gjeti pak ose aspak shërbime bazë.
“Uji vjen 1 ditë dhe jo për 10 ditët e ardhshme, madje edhe në banjë. E njëjta gjë është edhe për energjinë elektrike,” tha ajo për BBC.
/tvklan.al
