Është vënë nën kontroll zjarri i cili ka rënë në fabrikën e ngjyrës dhe llakut në afërsi të fshatit Falishë të Komunës së Tetovës.
Nga Qendra për Menaxhimin e Krizave njoftojnë se ka pak tym, por se ende në vendin e ngjarjes është ekipi i zjarrfikësve nga Tetovë, i cili e kontrollon situatën dhe ka edhe polici për sigurimin e lokacionit.
Sipas informacioneve në QKM, në terren është edhe ekipi i ISHP-së Qendra për Shëndet Publik Tetovë për të kontrolluar ujin e pijshëm.
