Zjarri ka përhapur panik në Shëngjin. Helikopteri “Cougar” është angazhuar për të ndihmuar në shuarjen e flakëve, por erërat e forta e kanë bërë situatën problematike.
Evakuimi i banorëve dhe turistëve është bërë për të shmangur rrezikun. Përveç Shëngjinit, zjarri po vijon të kërcënojë edhe zona të tjera në qarqet Korçë, Shkodër, Gjirokastër dhe Elbasan.
Ministria e Mbrojtjes u bën thirrje qytetarëve të bashkëpunojnë me forcat e policisë dhe zjarrfikësit për të siguruar evakuimin e nevojshëm. Situata mbetet e tensionuar, ndërkohë ndihma nga Mekanizmi Evropian i Mbrojtjes Civile është në pritje.
