Bashkimi Evropian pritet që të vendos çështjen e Urës së Ibrit në agjendën e bisedimeve të procesit të dialogut Kosovë -Serbi.
BE insiston se hapja e urës së Ibrit është cështje e dialogut.
“Si zakonisht, se kur do të mbahet rundi i radhës i dialogut, do të komunikohet me kohë. Kështu që kjo është ajo që mund të them. Në lidhje me çështjen e Urës, siç e dini, kjo është pjesë e dialogut, pavarësisht faktit se qeveria në Kosovë po vepron në të kundërtën. BE-ja planifikon që statusin e urës ta vendosë në agjendë për takimin e radhës”, tha Nabila Massarali, zëdhënëse e BE-së
Përkundër kundërshtimit të faktorit ndërkombëtar qeveria e Kosovës ka prezantuar planet për hapjen e Urës së Ibrit, e cila aktualisht është e hapur për këmbësor por e mbyllur për qarkullimin e automjeteve.
Ministria e Infrastrukturës tashmë është në pritje të raportit të testimeve të bëra javën e kaluar në lidhje me stabilitetin e urës mbi Ibër.
Edhe KFOR-i që kujdeset ëpr sigurinë mbi këtë urë ka thënë se kjo është cështja e dialogut Kosovë Serbi.
