Trajneri spanjoll është zhgënjyer me kaosin te parisienët, mendon largimin pas vetëm një muaji
Kaosi te PSG-ja ka ndikuar se tepërmi te trajneri Luis Enrique, i cili mund të largohet nga skuadra pas vetëm një muaji.
Ajo që e ka mërzitur teknikun spanjoll është përlasja e klubit me yllin francez Kylian Mbappe.
Luis Enrique e nisi detyrën më 5 Korrik, por sipas gazetës sportive spanjolle “Marca”, entuziazmi është zëvendësuar nga zhgënjimi. 53-vjeçari zëvendësoi Christophe Galtier.
Tekniku e konsideron mjaft toksike situatën te parisienët me Mbappe që këmbëngul që të largohet, ndërsa synimi është të bëhet pjesë e Real Madrid.
PSG nuk përfshiu Mbappe nga turneu parasezonal në Japoni dhe e dërgoi që të stërvitet me rezervat.
Kontrata sulmuesit i përfundon në verën e ardhshme dhe parisienët duan që ta shesin atë këtë merkato vere që të përfitojnë financarisht.
Luis Enrique është mërzitur edhe nga fakti se drejtori sportiv Luis Campos, i cili luajti një rol parësor në emërimin e Enrique, është drejt largimit.
Edhe ndihmësi i spanjollit, Rafel Pol po mendon që të largohet nga PSG-ja, ndërsa ka marrë një tjetër ofertë.
Kështu kampionët francez rrezikojnë që ta nisin sezonin e ri në një situatë shumë të vështirë.
Por drejtuesit parisienë i kanë hedhur poshtë të tilla lajme duke i quajtur të pakuptimtë.
Klan News
