LSDM-ja shkon në opozitë me disfatën më të rëndë në histori dhe vetëm me 18 deputetë. Lideri Dimitar Kovaçevski nuk u dorëhoq, por paralajmëroi zgjedhje brendapartiake.
Pas këtij rezultati, nisën dorëheqjet. Para Kongresit të Llogaridhënies, dy nënkryetarët Fatmir Bytyqi dhe Pero Kostadinovski dhanë dorëheqje nga funksionet. U dorëhoq edhe Ministrja Trençevska kurse nuk përjashtohet mundësia që hapin e tyre ta ndjekin edhe funksionarë të tjerë.
Kovacevski tha se ai dhe udhëheqësia partiake, por edhe të gjithë funksionarët e LSDM-së mbajnë përgjegjësi për rezultatin.
“Rezultati i sotëm është zhgënjyes. LSDM-ja pësoi goditje të fortë, jo vetëm nga qytetarët por edhe nga simpatizuesit dhe mbështetësit e partisë. Gjatë periudhës së ardhshme detajisht do t`i analizojmë këto rezultate. Padyshim se në muajt në vazhdim do të duhet që në mënyrë serioze ta gjejmë burimin e shkaqeve të këtij epilogu humbës”, tha Dimitar Kovaçevski.
Koalicioni që udhëhiqej nga LSDM-ja dje pati rezultatin më të dobët në historinë e partisë. Rezultati I deritashëm më I dobët vlerësohej ai I zgjedhjeve parlamentare të 1 Qershorit 2008, kur fitoi 233.284 vota dhe 27 deputetë, por rezultati I 8 majit me 153.250 vota tregon se në konto të kësaj partie ka 80.000 vota dhe 9 deputetë më pak.
Por, për dallim nga viti 2008, kur LSDM-ja pësoi debakël si opozitë, epilogun e djeshëm zhgënjyes e priti pas 7 viteve në pushtet./tvklan.mk
