Pas një ndërprerjeje teknike që ka ndodhur mbrëmë, Komisioni Shtetëror i Zgjedhjeve (KSHZ) ka njoftuar se afati për regjistrimin e votuesve në diasporë është zgjatur deri më 19 mars 2024, në ora 9:00. Kjo zgjatje vjen si pasojë e një ndërprerjeje të shërbimit në ueb-faqen zyrtare të regjistrimit, e cila tashmë është rikthyer në funksionim.
Deri më tani, KSHZ ka pranuar 2.230 aplikacione për regjistrim, nga të cilat 1.545 janë aprovuar, 193 janë refuzuar, dhe 492 janë ende në proces shqyrtimi. Zgjedhjet presidenciale do të zhvillohen në diasporë vetëm nëse regjistrohen të paktën 10 votues në përfaqësinë përkatëse diplomatike-konsullore.
Për zgjedhjet parlamentare, kandidatët duhet të fitojnë një numër votash të barabartë me atë të deputetit me votat më të ulëta në zgjedhjet e fundit parlamentare, i cili për këto zgjedhje është 5,355 vota. Kjo shifër është gjithashtu kushti për organizimin e zgjedhjeve në 52 përfaqësi diplomatike-konsullore.
Gjithashtu, KSHZ ka njoftuar se afati për kontrollimin dhe ndryshimin e të dhënave në listën zgjedhore përfundon sot në mesnatë. Deri më tani, 5,544 persona kanë kontrolluar të dhënat e tyre, dhe janë bërë 37 kërkesa për ndryshim, 7 për fshirje dhe 17 për regjistrim të të dhënave të reja.
