Presidenti ukrainas Volodymyr Zelensky, ka paralajmëruar qytetarët e vendit të tij për vazhdimin e sulmeve ruse në ditët e mbetura të këtij viti.
“Duhet të jemi të vetëdijshëm që armiku do të tentojë që këto ditë të na i bëjë të errëta dhe të rënda për ne”, shtoi Zelensky në video-adresimin e tij më të fundit.
“Rusia këtë vit ka humbur çfarë ka mundur. Por pas sulmeve raketore në vendin tonë, sektori jonë energjetik po tenton të kompensoj humbjet. E di se errësira nuk do të na ndalojë t’i shkaktojmë humbje pushtuesve. Duhet të jemi të gatshëm për çdo skenar”, tha ndër tjera presidenti ukrainas.
Ai gjithashtu pati fjalë të rënda për ushtrinë ruse që të shtunën në sulmet me topa në Kherson në jug të vendit, vranë të paktën 16 civilë si dhe plagosën 64 tjerë.
