Presidenti ukrainas, Volodymyr Zelensky, ka falënderuar presidentin e ShBA-së, Joe Biden, dhe amerikanët që qëndruan “stoik” me Ukrainën gjatë luftës me Rusinë.
Duke folur përpara takimit të tyre në samitin e NATO-s në Lituani, Zelensky pranoi se ndihma që ShBA-ja i ka dërguar Ukrainës deri më tani është një shumë e madhe parash, shkruan CNN, transmeton Klan Kosova.
“Ju duhet të dini se i keni shpenzuar këto para për – jo vetëm për të luftuar. Ju i shpenzoni këto para për jetën tonë dhe unë mendoj se ne shpëtuam jetë për Evropën dhe për të gjithë botën,” tha ai.
Zelensky gjithashtu falënderoi Biden për dërgimin e municioneve thërrmuese mes armëve të tjera, duke thënë se ishte një “vendim i vështirë politik”, por do të ndihmojë në shpëtimin e Ukrainës.
