Presidenti ukrainas Volodymyr Zelensky e ka quajtur Afrikën një peng të luftës së Rusisë gjatë një fjalimi në Bashkimin Afrikan (AU).
Zelensky tha se pushtimi i Rusisë dhe bllokimi i eksporteve të drithërave të Ukrainës, kanë shkaktuar mungesë drithi dhe kanë vënë miliona njerëz në rrezik urie. Kryetari i komisionit të AU tha se kishte një nevojë urgjente për dialog për të rivendosur stabilitetin global.
Vendet perëndimore i kanë kërkuar Rusisë të lirojë rezervat e mëdha të drithit në Ukrainë ndërkohë bllokada ka rritur çmimet e ushqimeve.
“Afrika është në fakt një peng i atyre që nisën luftën kundër shtetit tonë”, tha Zelensky.
Presidenti ukrainas u shpreh se qeveria e tij ishte e angazhuar në nogociata për të zhbllokuar rezervat e grurit të bllokuara në portet e Detit të Zi të Ukrainës./tvklan.al
