Xavi Simons, talenti holandez, ka shkëlqyer me 10 gola dhe 15 asistime në 43 ndeshje te “Demat” gjermanë të Leipzig në sezonin e fundit. Megjithatë, ai nuk është gati për formacionin e titullarit te “gjigantët” francezë të PSG, sipas raportimeve.
Pavarësisht interesimeve nga Bayern Munich dhe Barcelona, Simons është në kërkim të aventurës së radhës. Pista më e mundshme është një vit i dytë i huazuar te Leipzig. Fabrizio Romano, gazetari i njohur i merkatos, raporton se CEO i RB Leipzig, Oliver Mintzlaff, është në bisedime intensive me PSG.
Klubi francez është i hapur për të huazuar sërish “tulipanin”, ndërsa Bayern dhe Barcelona kanë kërkesa të ndryshme.
