PËR TRE TË ARRESTUARIT PARABURGIM 30 DITOR
Liridona Murseli, 30-vjeçare, është vrarë të mërkurën, më 29 nëntor, në rrugën “Dalip Alshiqi” në Prishtinë, kryeqytetin e Kosovës. Fillimisht, Policia e Kosovës, e ka raportuar rastin si “grabitje me pasoja të vrasjes”. Dy ditë më vonë, më 1 dhjetor, Policia ka njoftuar për arrestimin e dy personave: dorasin G.P dhe N.M, bashkëshortin e viktimës, të dyshuar për vrasjen e saj.
Familja e Liridona Ademajt vrasja e së cilës u porosit nga bashkëshorti i saj, kërkon zhvarrosjen e trupit dhe eshtrat e saj të prehen në fshatin e saj të lindjes.
Vëllai i 33 vjecares ka shkruar në rrjetet sociale se i ka dhënë familjes me të cilën kishin krushqi dy ditë besë dhe autoritetet i druhen një hakmarrjeje të mundshme.
Policia e Kosovës njoftoi se ka sekuestruar armën me të cilën u qëllua për vdekje Ademaj si dhe 19 fishekë ndërsa është sekuestruar edhe makina e porositësit të krimit Naim Murseli.
Ky i fundit ka pranuar që të ketë urdhëruar ai vrasjen e bashkëshortes ndërsa autorësinë e ka pranuar edhe Granit Plava i cili po ashtu u arrestua të premten.
Plava ka thënë në dëshminë e ij se është paguar nga Murseli 15 mijë euro paradhënie ndërsa 15 mijë euro të tjera do ti merrte pas kryerjes së krimit.
Vec tyre si i përfshirë në ngjarje u prangos edhe Kushtrim Kokalla. Ky i fundit është nip i Naim Murselit dhe anëtar i FSK.
Pas këtij rasti ministri i mbrojtjes Ejup Maqedonsi njoftoi nisjen e hetimeve ndërsa vëllai i Kokallës tha për mediat kosovare se e gjithë familja e tij është e tronditur për atë që ka ndodhur.
Për të tre të arrestuarit prokuroria ka kërkuar masën e paraburgimit me afat 30 ditë.
Policia dyshoi se ngjarja nuk ishte grabitje pas dëshmisë së bashkëshortit të gruas gruas Naim Murselit.
Ky i fundit ishte kontradiktor në dëshmi ndërsa deklarime para policisë dhanë edhe dy fëmijët e tij të mitur të cilët thanë se babai ishte i qetë pas ngjarjes dhe se u kishte thënë se gjithcka ishte një lojë.
Policia e lejoi Murselin që ti merrte pjesë edhe në ceremoninë mortore të 33 vjecares për të parë reagimet e tij dhe më pas i vendosën prangat.
Cifti jetonin në Suedi ndërsa ishin në proces divorci. Procedurat kishin nisur që në vitin 2019 por cështja ishte pezulluar në shkurt të vitit 2020.
33 vjecarja u qëllua në prani të burrit dhe fëmijëve të mitur mbrëmjen e 29 nëntorit në periferi të Prishtinës.
Autori i ngjarjes që u raportua si grabitje i mori sende me vlerë dhe telefona.
