Sot në program janë ndeshjet e xhiros së tretë të sezonit vjeshtor në kategorinë e meshkujve dhe java e katërt në kategorinë e vajzave.
Ndeshje e derbi e kësaj jave në kategorinë e meshkujve do të zhvillohet në sallën sportive te UT-së, aty ku do të përballen dy skuadrat tetovare KV Universiteti i Tetovës dhe KV Shkëndija. Në dy ndeshjet e para të sezonit vjeshtor vendasit kanë një fitore dhe një disfatë, ndërsa Shkëndija ka dy fitore. Në këtë ndeshje dy ekipet do të pretendojnë fitore por ajo që është më e rëndësishmja këtë ndeshje pritet ta ndjekin numër i madh i adhuruesve të volejbollit. Ndeshja Universiteti I Tetovës – Shkëndija luhet sot me fillim në ora 19:30.
Liria e Zherovjanit kampionatin e ri e nisi me dy fitore të një pas njëshme andaj edhe sonte pritet të dëshmojnë se sukseset e para nuk kanë qenë të rastit. Zëvendës trajneri I ekipit nga Zherovjani, Arben Dunisha , tha se ekipi Liria është I përgatitur mire që edhe kundër Rabotniçkit të nxjerr maksimumin. Ndeshja Liria – Rabotniçki, luhet sonte në sallën e shkollës fillore “Goce Dellçev” në Tetovë me fillim në orën 19:30
Në ndeshjet tjera të javës së tretë, takohen: Strumica – Janta Volej, Susheva – Boreci, UGD Shtipi – Vesna Probishtipi dhe Vardari – Makedonija Xhio
Xhiroja e 3-të meshkujt:
Universiteti i Tetovës – Shkëndija (19:30
Liria – Rabotniçki 19:30
Strumica – Janta Volej
Susheva – Boreci
UGD Shtipi – Vesna Probishtipi
Vardari – Makedonija Xhio
Në kategorinë e vajzave sot zhvillohet ndeshjet e javës së katërt të kampionatit, takohen:
Xhiroja e 4-të femrat
Janta Volej – Nakovski Volej
Fit Fan Volej – Rabotniçki Shkup
Strumica Vajzat – Vardari Vajzat
Vardari EM – UGD Mladost
/KlanMacedonia/
