Klubi i volejbollit Liria është skuadra e katër gjysmëfinaliste e Kupës së Maqedonisë së Veriut në volejboll për meshkuj. Në ndeshje që u zhvillua sonte në sallën sportive te shkolla fillore “Goce Dellçev” në Tetovë, Liria e Zherovjanit mundi ekipin e Universitetit të Tetovës 3-1 në sete 25-22, 19-25, 25-19 dhe 25-16.. Me këtë fitore ekipi Liria iu revanshua KV Universitetit të Tetovës, për disfatën identike 3-1 sete e vlefshme për ndeshjen e Play off-it të pjesës pranverore të kampionatit.
Kujtojmë se në gjysmëfinale të Kupës së RMV-s janë kualifikuar Strumica, Rabotniçki, UGD Shtipi dhe Liria e Zherovjanit.
