AKUZAT NË ADRESË TË INTEGRISTËVE
LSDM-ja, Zaevi dhe Filipçe, me vetëdije ia kanë lëshuar Lotarinë BDI-së, që Grubi të bëjë krime, kurse ata të mbesin në pushtet, thonë nga VMRO-DPMNE duke potencuar se mos të ishin funksionarët e LSDM-së, krimi i BDI-së, nuk do të ishte I mundshëm.
BRANE PETRUSHEVSKI – VMRO DPMNE
“Artan Grubi nuk ishte i vetëm në krimin. LSDM me dëshirën e tyre për pushtet me çdo çmim ia mundësuan këtë. LSDM e dinte se në momentin kur do të inicohet procedura kundër Grubit, qeveria do të bjerë, për këtë shkak e toleruan, kurse më vonë iu bashkangjitën. LSDM me ditë të tëra bëjnë rrëfime, kurse çdokush e di se çfarë bënte Grubi, por heshtën nga frika. LSDM-ja doli në zgjedhje me shpresën se ky tandem do të vazhdojë.”
Në të njëjtën vijë është edhe komunikata e koalicionit VLEN, të cilët pretendojnë se BDI-ja po fundoset kurse të gjithë që kanë gabuar para ligjit duhet të përballen me drejtësinë.
VLEN
“BDI-ja non grata po shembet si kulla prej letrash! Ata që për 20 vite rrënuan shtetin me korrupsion e krim, sot po përballen me drejtësinë. Artani ka ikur, Përparimi është zhdukur, Merko pa pasaportë, dhe qelitë po dezinfektohen për t’i pritur të gjithë!”
Ndryshe, Prokuroria e Strugës ka dorëzuar propozim për përcaktimin e masave të kujdesit për Kryetarin e Komunës së Strugës, Ramiz Merko, respektivisht marrjen e pasaportës.
Sic thuhet masat janë ndërmarrë për shkak të rrezikut nga arratisja, duke marrë parasysh se gjatë ditës së djeshme PTHP-Strugë dorëzoi edhe një akuzë kundër Merkos.
Sipas akuzës, Merko në hyrje të ndërtesës së Komunës ka vendosur një pllakë përkujtimore, me të cilën, sic thuhet, ka nxitur urrejtje etnike.
