Objektiv ishte një kullë biznesi, 5 km larg nga Kremlini
Ukraina sulmon Moskën sërish me drone. Objektiv ka qenë një ndërtesë biznesi, ndërsa shpërthimi i fuqishëm ka shkaktuar panik në qytet.
Kryebashkiaku Sergei Sobyanin pretendon se mbrojtja ajrore kishte rrëzuar dronin dhe mbetjet e tij ranë në qendrën “Expo” të qytetit.
Sulmi ndodhi rreth orës 04:00 me orën lokale dhe nuk raportohet për viktima.
“Expo Center” është një hapësirë e madhe ekspozite e përdorur për konferenca dhe konventa dhe ndodhet më pak se 5 km nga Kremlini. Një agjenci shtetërore ruse e lajmeve, Tass, raportoi se një nga muret e jashtme të qendrës ishte shembur pjesërisht, duke cituar shërbimet e urgjencës. Ai tha se zona e prekur ishte rreth 30 m2.
Disa orë para sulmit të fundit në Moskë, një dron ukrainas u shkatërrua gjatë një tentative sulmi ndaj flotës detare ruse në Detin e Zi, tha ministria ruse e Mbrojtjes.
Klan News
