Izraeli kishte në program me 12 tetor ndeshjen shtëpiake ndaj Zvicrës (kualifikuese), ndërsa 3 ditë më pas atë ndaj Kosovës.
Duke qenë se Izraelitët janë në situatë lufte, pas sulmit masiv që militantët e Hamasit nisën më 7 tetor, UEFA ka vendosur që të shtyjë takimin me zviceranët. Sa i takon sfidës jashtë me Kosovën, mungon një vendim konkret.
“UEFA do të pres edhe disa ditë për të vlerësuar nëse ndeshja Kosova – Izraeli mund të zhvillohet më 15 tetor apo duhet të shtyhet. UEFA do të vazhdojë të monitorojë nga afër situatën dhe do të qëndrojë në kontakt me të gjitha ekipet e përfshira përpara se të marrë vendime për datat e reja” – shkruan UEFA.
Ndeshjet e shtyra janë:
12/10: Izrael – Zvicër (Kualifikuese Euro 2024)
12/10: Izrael – Estoni (Kampionati Evropian U-21, 2025)
17/10: Izrael – Gjermani (Kampionati Evropian U-17, 2024)
11/10 deri në 17/10: Mini turne që përfshin Izraelin, Belgjikën, Gjibraltarin dhe Uellsin
