Njëra ndër banoret më të përfolura të “Big Brother VIP Kosova”, Diana Tahiri, ka vendosur të largohet nga shtëpia mbrëmë pas një bisede telefonike me babain e saj.
Largimi i Dianës ka shokuar jo vetëm banorët, por edhe fansat e spektaklit, pasi ajo ishte një nga figurat më të komentuar dhe më të ndjekura. Sipas informacionit të dhënë nga familjarët e saj, babai i Dianës ishte i sëmurë dhe kërkesa e tij ishte që ajo të qëndronte pranë tij për ta mbështetur në këtë periudhë të vështirë.
Ndërkohë, moderator i spektaklit, Alaudin Hamiti, ka reaguar përmes një postimi në InstaStory, duke bërë me dije se largimi i Dianës ishte i papritur dhe se më shumë detaje do të zbuloheshin në prime të premten.
Ai ka përmendur edhe bisedën që Diana pati me Arionin, duke lënë të kuptohet se ky moment ishte një tjetër element i rëndësishëm për ndarjen e saj nga shtëpia.
Diana gjatë qëndrimit të saj në shtëpi kishte zhvilluar një romancë me banorin tjetër, Arionin, dhe kjo lidhje ishte një ndër temat më të diskutuar nga fansat dhe mediat. Sidoqoftë, sipas disa informacioneve, familja e Dianës ka qenë kundër lidhjes së saj me Arionin, duke shtuar një tjetër dimension dramatik në këtë situatë.
Në këtë mënyrë, largimi i Dianës nga “Big Brother VIP Kosova” ka lënë pas shumë pyetje dhe spekulime, por njëkohësisht ka shtuar edhe trishtim mes banorëve dhe fansave që kishin mbështetur lidhjen e saj me Arionin.
