Një aksident i rëndë ka ndodhur rreth mesnatës në zonën e Torinos në veri të Italisë, ku një tren goditi për vdekje pesë punëtorë dhe plagosi dy të tjerë në shinat hekurudhore.
Sipas raportimeve, burrat ishin të punësuar nga një kompani që po kryente punë për zëvendësimin e segmenteve të linjës së trenit, që lidh qytetet kryesore veriore të Torinos dhe Milanos, kur ata u përplasën nga një lokomotivë që lëvizte vagonët bosh nga Alessandria në drejtim të Torinos.
Mediat italiane, raportuan se treni po udhëtonte me rreth 160 kilometra në orë kur ndodhi incidenti.
Punëtorët u tha se ishin tërhequr zvarrë për njëfarë distance përpara se treni të ndalonte. Dy nga kolegët e tyre që punonin aty pranë arritën të shpëtonin.
