Presidenti serb i shprehu ngushëllime presidentes Gordana Siljanovska-Davkova për zjarrin tragjik në diskotekën e Koçanit.
“I shpreha ngushëllimet e mia të sinqerta Presidentes Gordana Siljanovska-Davkova me rastin e tragjedisë së tmerrshme në Maqedoninë e Veriut, e cila preku thellë jo vetëm popullin e atij vendi, por edhe të gjithë ne në Serbi që ngushëllojmë me familjet e viktimave dhe me gjithë popullin e këtij vendi vëllazëror”, ka shkruar Vuçiq në Instagram.
“Unë ofrova në emër të Serbisë dhe presidenti i Maqedonisë së Veriut pranoi që të dërgohen helikopterë dhe mjete të tjera transportuese mjekësore, ekipe mjekësore, si dhe të presim një numër të madh të të lënduarve në tragjedinë e Koçanit në spitalet në Serbi”, shtoi ai.
“E informova Presidentin se Serbia do ta shpallë 18 marsin ditë zie për tragjedinë dhe shpreha besimin se populli i Maqedonisë Veriore vëllazërore, me forcën dhe solidaritetin që kanë treguar gjithmonë, do të arrijë ta kapërcejë këtë tragjedi të madhe dhe të gjejë mënyrën për t’u rikuperuar”, përfundoi ai.
