E ardhmja e Igli Tares te Lacio duket se nuk është shumë e qartë, pas përplasjeve së fundmi që ka pasur me trajnerin Mauricio Sarri.
Gjithashtu presidenti Lotito bëri një mbledhje vetëm me ata të dy pas disfatës që kryeqytetasit morën përballë Atalantës.
Siç bëjnë me dije mediat italiane, duket se Totenhemi ka shfaqur interes për ish-futbollistin e Kombëtares për të marrë drejtorin sportiv.
Puna e mirë që ka bërë me Lacion vitet e fundit ka rënë në sytë e drejtuesve të Spërsave, të cilët në fund të sezonit do të largojnë Fabio Paratiçin.
Kështu Tare mban “pole position”-in në këtë rol, teksa një tjetër emër që përflitet është edhe ai i drejtorit të Napolit, Kristiano Giuntoli.
