Turqia nuk gjen qetësi. Një tjetër tërmet ka goditur sot shtetin turk. Tërmeti me magnitudë 5.6 ka rënë në Malatyas, një nga zonat më të prekura.
Sipas mediave turke, 1 person raportohet të ketë humbur jetën nga lëkundjet sizmike. 69 persona kanë mbetur të plagosur.
Disa ndërtesa të tjera janë shkatërruar si pasojë e këtij tërmeti. Besohet se qytetarë të tjerë kanë mbetur nën rrënoja.
Kryetari i Bashkisë së Malatya ka thënë se një baba së bashku me vajzën e tij të cilët u futën në një dyqan, kanë mbetur nën rrënoja. Ekipet e kërkim-shpëtimit kanë nisur punën për nxjerrjen nga rrënojat të të mbijetuarve.
/tvklan.al
