NË ÇAIR PËRUROHET RRUGA “IBRAHIM RUGOVA”
E veshur me ngjyrat e flamurit kombëtar, Presidentja e Kosovës, Vjosa Osmani, mirëpritet në Tetovë nga shumë qytetarë, njofton KlanM.
Gjatë ecjes nëpër rrugët e Tetovës, presidentes iu bë një pritje madhështore.
Kryetari i Komunës së Tetovës, Bilall Kasami i ndau çmimin “Çelësi i Qytetit të Tetovës”.
Nga Tetova kanë nisur shumë procese me rëndësi historike për popullin shqiptar, jo vetëm në Maqedoni por gjithandej” – tha Presidentja e Kosovës, Vjosa Osmani, njofton KlanM.
“Tetova ka vërtetë histori të madhe për historinë tonë të përbashkët. Ka qenë shtëpi e veprimtarëve dhe intelektualve që kanë kontribuar jashtëzakonisht shumë në kultivimin e raporteve midis shqiptarëve në Kosovë dhe RMV” – tha Vjosa Osmani.
Me vizitën e Kryeparlamentarit, Kryeministrit dhe tani Presidentes së Kosovës, rrumbullaksohet vizita në Tetovë e përfaqësuesve më të lartë të shtetit të Kosovës – tha kreu I Komunës së Tetovës, Bilall Kasami që sipas tij Kosova institucionalisht vlerëson Tetovën si kryeqendër të shqiptarëve të Maqedonisë së Veriut.
Por, përvec këtij vlerësimi, duhet të punohet edhe për mirëqenien e qytetarëve andej e këndej kufirit.
“Ne si Komunë e Tetovës punojmë që rruga dhe lidhja Tetovë-Prizren, sa më shpejtë të jetësohet, për cka e informova edhe Presidenten për aktivitetet që I bëjmë si komunë dhe në të ardhmen besojmë se këto lidhje do të jenë më të fuqishme” – tha Bilall Kasami.
Por, Presidentja Osmani kishte edhe një mesazh për Kryebashkiakun e Tetovës, mesazh që tashmë ua ka thënë Kryetarëve të Komunave të Kosovës.
“Kryetarëve të Komunave në Kosovë u them që ju jeni si mini-president, sepse në fakt është detyrë e secilit prej tyre të përfaqësojë të gjithë qytetarët pavarësisht cilës parti politike I takojnë dhe merren në baza ditore me problemet e përditshme të qytetarëve” – deklaroi Vjosa Osmani.
Ndërsa në Komunën e Çairit, sic percjell KlanM, Presidentja e Kosovës, mori pjesë në përuririmin e rrugës me emrin e presidentit historik të Republikës së Kosovës, Ibrahim Rugova. Presidentja Osmani shoqërohej nga Teuta Rugova e bija e presidentit, Ibrahim Rugova.
Pas përurimit të rrugës “Ibrahim Rugova”, presidentja e Kosovës, Vjosa Osmani vizitoi edhe Çarshinë e Vjetër të Shkupit ku takoi esnafët lokalë, ndërsa bashkë me kreun e Komunës së Çairit Visar Ganiun vendosën lule tek shtatorja e Skënderbeut dhe tek busti i Hasan Prishtinës. /KlanMacedonia/
