Kjo është mundësia të cilën Armando Broja e ka pritur dhe që duhet ta shfrytëzojë.
Me Nicolas Jackson që është bashkuar me skuadrën e Senegalit në Kupën e Kombeve të Afrikës, sulmuesi kuqezi është i vetmi nr 9 që trajneri Mauricio Poçetino ka në dispozicion.
Nëse Senegali shkon në finale më 11 Shkurt, siç shpresojnë, dhe Chelsea mund Preston North End në ndeshjen e raundit të tretë të FA Cup të shtunën, atëherë sulmuesi mund të humbasë deri në tetë ndeshje të Chelsea.
E detyra për të shënuar do t’i ngelet Brojës.
Në pesë muaj, Broja e ka nisur 5 herë si titullar, e ka nëntë paraqitje të tjera si zëvendësues. Ai ka luajtur 448 minuta në total.
Sfida e vetme ku ka luajtur më shumë, 67 minuta, është humbja 2-0 ndaj Everton.
Pas dëmtimit të gjurit në Dhjetor të 2022, Broja u kthye vetëm në Shtator.
Mungesa në turin parasezonal, ajo e miqësoreve të ekipit të 21-vjeçarëve dhe minutat e pakta, kanë ndikuar në mosshënimin e golave të sulmuesi kuqezi, shkruan “The Atheltic.
Për 22-vjeçarin tani është mundësia që të rigjejë ritmin, e të ketë hapësirën e nevojshme për të luajtur në seri ndeshjesh, që të mund të shënojë e të forcohet psikologjikisht.
Klan News
