Hamidreza Azizi, një ekspert i Iranit dhe një ish-pedagog i studimeve rajonale në Universitetin e Teheranit, ka folur me BBC World Service për ndikimin e mundshëm të sulmeve të Shteteve të Bashkuara të Amerikës brenda natës.
“Me sa munda të them, irakianët ishin informuar [për sulmet] më parë”, tha ai, transmeton Klankosova.tv.
Azizi gjithashtu vë në dukje se përgatitjet kishin “vazhduar për ditë të tëra”, duke përfshirë “rrjedhjet e qëllimshme në media në lidhje me shtrirjen dhe fokusin gjeografik të sulmeve”.
Azizi shtoi se në ditët e fundit, Irani kishte ridislokuar disa nga oficerët e rangut të lartë të Korpusit të Gardës Revolucionare Islamike nga Siria në zonat kufitare midis Iranit dhe Irakut “për t’i mbajtur ata të sigurt”.
“Sulmet ishin kryesisht në shënjestër objektet dhe infrastrukturën, me sa di unë”, tha ai.
