Kryetari i ASH-së, Arben Taravari gjatë ditës së sotme ka realizuar takim me ambasadoren e Republikës Federale të Gjermanisë në Maqedoni, Petra Drexler, përcjell KlanM.
“Në takimin e mbajtur tek ambasada gjermane, kryetari Taravari dhe ambasadorja Drexler diskutuan mbi proceset politike në vendin tonë, me fokus në përmbylljen e ndryshimeve kushtetuese me qëllim të hapjes së negociatave për anëtarësimin e vendit tonë në BE, duke theksuar angazhimin e Aleancës për Shqiptarët që Maqedonia e Veriut dhe Shqipëria të vazhdojnë bashkë rrugëtimin e tyre evropian. Kryetari Taravari, po ashtu, falënderoi ambasadoren për përkrahjen e vazhdueshme që shteti gjerman ia jep Maqedonisë së Veriut drejt anëtarësimit në Bashkimin Evropian”, thuhet në kumtesën e ASH-së pas takimit./KlanMacedonia
